Бүгін ШҚО-ға "Саламатты Қазақстан" медициналық пойызы келді

Білікті мамандары бар пойыз екі апта ішінде облыстың бірнеше ауылын аралап шығады, деп хабарлайды Устинка LIVE тілшісі.

Жылжымалы медициналық топтың құрамына 36 білікті дәрігер кірді: терапевт, хирург, педиатр, невропатолог, рентгенолог, кардиолог, стоматолог, офтальмолог, отоларинголог, онколог-маммолог, гинеколог және уролог. Олар алғашқы тегін медициналық тексеру қызметтерін ұсынады, сонымен қатар қажет болған жағдайда кішігірім хирургиялық операциялар жасайды. Оларға медиатор мен заңгер де еріп жүреді.

Пойыздың ШҚО бойынша бағыты (келу-кету күндері):

• Предгорное — 10.09 (07.00) – 11.09 (20.40);
• Тишинская — 12.09 (00.15) – 13.09 (21.00);
• Черемшанка — 13.09 (21.44) – 15.09 (21.00);
• Таусамалы — 16.09 (00.45) – 17.09 (20.50);
• Кумыстау — 17.09 (21.39) – 19.09 (20.50);
• Бухтарма — 19.09 (21.32) – 21.09 (20.50);
• Заводинка — 21.09 (21.29) – 23.09 (20.50);
• Тургусун — 23.09 (21.21) – 25.09 (20.50).