Өскемен мен ШҚО Өскеменде түрмеге есірткі лақтырмақ болған адам ұсталды
Өскемен қаласында №16 түзеу мекемесінің қоршауынан "сәлемдеме" лақтырмақ болған күдіктіні жауынгерлік жасақ қолға түсірді
Сәлемдемені тексеру барысында оның 1 келіден асатын көкнәр екені анықталды, деп хабарлайды Устинка LIVE тілшісі.
Өскемен қаласының №16 түзету мекемесінің белгілі бір аумағын патрульдеу барысында Ұлттық ұланның №6699 әскери бөлімінің жауынгерлік жасағы тыйым салынған заттарды ішке қарай лақтыруға әрекеттенген азаматты қолға түсірді. Тексеру барысында ұсталған азамат салмағы бір келіден жоғары көкнәрді сотталғандарға лақтырмақ болғаны анықталды. Тыйым салынған өсімдік тектес жасыл зат жедел түрде тәркіленіп, акт жасалып, ұсталған азамат құзырлы органдарға тапсырылды, - деп хабарлады "Шығыс" өңірлік қолбасшылығының баспасөз қызметі.