Өскемен мен ШҚО ШҚО-да 20 гектар аумақта өсіп тұрған жабайы қарасора жойылды
Қарасора бұталары Ұлан және Зайсан аудандарында анықталған
Аумақтарды тексеру барысында ұшқышсыз ұшу аппараттары мен дрондар қолданылған, деп хабарлайды Устинка LIVE тілшісі ШҚО ПД ақпаратына сүйеніп.
Шығыс Қазақстан облысында жабайы өсетін қарасора ошақтарын анықтау және жою мақсатында "Қарасора-2025" жедел-профилактикалық іс-шарасы барысында Есірткі қылмысына қарсы іс-қимыл басқармасының қызметкерлері Ұлан және Зайсан аудандарында рейдтер жүргізді.
Аумақтарды тексеру барысында ұшқышсыз ұшу аппараттары мен дрондар қолданылды. Бұл өз кезегінде іздестіру іс-шараларының тиімділігін айтарлықтай арттырып, қамтылатын аумақтың көлемін кеңейтуге мүмкіндік берді. Нәтижесінде 20 гектардан астам жерден 8 мыңнан астам жабайы қарасора бұтасы жойылды, - деп хабарлады ШҚО ПД баспасөз қызметі.
Есірткі құралдарының заңсыз айналымына жол бермеу жұмыстары жүйелі түрде жүргізіліп келеді және бұл бағыттағы шаралар жалғасын табады. Ол үшін заманауи технологиялар пайдаланылады және басқа да күштік құрылымдармен тығыз өзара іс-қимыл қамтамасыз етіледі.