Өскемен мен ШҚО ШҚО-да экологиялық заңды бұзғандарға 1,73 млрд теңге айыппұл салынған
Жарты жыл ішінде облыста барлығы 86 экологиялық заңбұзушылық анықталды
Фото:
Устинка LIVE
Шағын бизнес субъектілерінен бастап ірі өнеркәсіптік кәсіпорындарға дейінгі деңгейдегі нысандар тексерілген, деп хабарлайды Устинка LIVE тілшісі.
Барлығы 33 тексеру жүргізіліп, 86 заңбұзушылық анықталды, сонша нұсқама берілді. Салынған айыппұлдардың жалпы сомасы 1,73 млрд теңгені құрады, – деді ШҚО бойынша экология департаменті басшысының м.а. Әсет Сүлейменов.
Ірі айыппұлдар өңірдің өнеркәсіптік кәсіпорындарына салынды:
- "СиньСин" ЖШС – 1,066 млрд тг;
- "Казцинк" ЖШС – 1,7 млрд тг-дан астам және қосымша 60,9 млн тг айыппұл (толығымен төленген);
- "ТМК" АҚ – 24 млн тг;
- "Өскемен ЖЭО" ЖШС – шамамен 26,9 млн тг.
Департаменттің мәліметінше, кәсіпорындар табиғатты қорғау шараларына инвестиция салуды жалғастыруда. Әсіресе экологияға бөлінген қаржы кейде жоспарланған мөлшерден асып түседі.