Өскеменге қала күніне қай әншілер келеді?

Мерекелік кеш 30 тамыз күні 18.00-де басталып, отшашумен аяқталады, деп хабарлайды Устинка LIVE тілшісі.

30 тамыз:

• Республика алаңында сағат 11.00-де ҚР Конституциясының 30 жылдығына арналған мерекелік бағдарлама басталады.

• 12.00-де "ӨСКЕМЕН БАТЫРЫ" мықтылардың шоуы

Қала тұрғындары мен қонақтары үшін бал фестивалі, "Дәмді Fest" гастрономиялық фестивалі, ауылшаруашылық жәрмеңкесі, сауда-саттық, қолөнер бұйымдарының көрмесі, балалар ойын алаңдары ұйымдастырылады, - деп хабарлады Өскемен қалалық ішкі саясат басқармасы.

Ал кешкі 18.00-ден 22.00-ге дейін мерекелік бағдарламада ALEM, JAZZDAUREN, Заттыбек пен Ғазизхан Шекербеков, Нұрсұлтан Нұрбердиев пен Диана Исмаил, Жігер Ауыпбаев пен Ақтоты Болышова, Ажар Назар әншілер өнер көрсетіп, кешті Dake мен Анар Батырхан жүргізеді. Сағат 22.00-де мерекелік отшашу жоспарланған.