Өскемен мен ШҚО ШҚО-да төтенше жағдайлардың алдын алу және жою бойынша оқу-жаттығу басталды
"Қалқан-2025" республикалық командалық-штабтық оқу-жаттығулары 13-15 тамыз аралығында өтеді
Ауқымды оқу-жаттығуға Төтенше жағдайлар министрлігінің құтқару бөлімшелері, орталық және жергілікті атқарушы органдар, азаматтық қорғау қызметтері, радиациялық және химиялық қауіпті нысандардың өкілдері, Қорғаныс министрлігінің Ұлттық ұланы мен шекара қызметінің әскери қызметшілері, сондай-ақ Атом энергиясы агенттігі мен Ядролық физика институтының мамандары жұмылдырылды, деп хабарлайды Устинка LIVE тілшісі.
13 тамыз күні оқу-жаттығудың ашылу салтанаты өтті және бірінші кезеңі басталды. Бұл кезеңде облыстағы ірі өнеркәсіптік нысандарда радиациялық және химиялық апат салдарынан туындаған шартты төтенше жағдайларды жою бойынша практикалық іс-қимылдар пысықталды. Мұндай нысандарда жұмысшылар санының көптігі және химиялық зақымдану қаупінің жоғары болуы - халықтың, аумақтың және экологиялық қауіпсіздіктің өзекті мәселелері қатарында, - деп мәлімдеді ШҚО ТЖД баспасөз қызметі.
"Қалқан-2025" оқу-жаттығуы барысында алынған тәжірибе мен практикалық дағдылар төтенше жағдайларға ден қою бойынша алгоритмдерді жетілдіруге, сондай-ақ ықтимал апаттардың салдарын барынша азайтуға мүмкіндік береді.
