Өскемен мен ШҚО ШҚО полициясы іздеуде жүрген 30-дан астам борышкерді тапты
Атқарушылық құжаттарды орындаудан жалтарғаны үшін Қазақстан Республикасы заңнамасында әкімшілік жауапкершілік көзделген
Мәселен, күні кеше өскемендік полицейлер 6 миллион теңгеден астам қарызы бар борышкерді анықтады, деп хабарлайды Устинка LIVE тілшісі.
Өскемен қалалық Полиция басқармасының көші-қон қызметі бөліміне жеке сот орындаушысынан өз міндеттерін орындаудан жалтарып жүрген азаматты іздеу туралы қаулы келіп түскен. Белгілі болғандай, 2024 жылдың наурыз айынан бастап 35 жастағы қала тұрғыны басқа бір тұрғынға 6 миллион теңгеден асатын қарызын өтемеген болып шықты, - деп мәлімдеді ШҚО ПД баспасөз қызметі. - Іздестіру шаралары барысында көші-қон қызметінің қызметкерлері қарызын төлемеген азаматтың тұрғылықты жерін анықтады. Жақын күндері қарызды өндіру мәселесі сот орындаушыларының құзыретінде болады.
Жыл басынан бері Шығыс Қазақстан облысы Полиция департаменті іздеуде жүрген 30-дан астам борышкерді анықтаған.