Өскемен мен ШҚО Ұлттық ұлан қызметшісі 50 келілік зілтемірді 180 рет көтерді
Ұландық бұл жетістігін Абай Құнанбайұлының 180 жылдық мерейтойына арнады
Ұлттық ұланның №5518 әскери бөлімінің әскери қызметшісі кіші сержант Валентин Чехов 50 келілік зілтемірді жатып көтеру әдісімен 180 рет көтерді, деп хабарлайды Устинка LIVE тілшісі.
Ұлы Абайдың мерейтойына спорттық нәтижем арқылы үлес қосқым келеді. Бұған дейін Алматы қаласында өткен сайыста 140 келілік зілтемірді көтердім. Ендігі мақсатым – мерейтой аясында 180 келілік зілтемірді еңсеру, – деді ол.
Валентин Чехов 2019 жылдан бері Ұлттық ұлан қатарында қызмет атқарып келеді. Төрт жылдан бері пауэрлифтингпен айналысатын ол өткен жылдан бастап кәсіби деңгейдегі жарыстарға қатысып, "NPA Kazakhstan" федерациясы құрамында өнер көрсетуде. 72 келі салмағы бар спортшы биыл маусым айында Қонаев қаласында өткен республикалық турнирде зілтемірді сілке көтеру жарысында жеңімпаз атанды.