ШҚО әкімі шекараны күзетуге келген офицерлермен кездесті

Барлық болашақ командирлер ауқымды дайындықтан өтіп, қызметке дайын екендіктерін дәлелдеген, деп хабарлайды Устинка LIVE тілшісі.

Шығыс Қазақстан – Ресей Федерациясымен және Қытай Халық Республикасымен шектесетін шекаралық аймақ. Сондықтан бұл өңірдегі шекарашылардың қызметі бүкіл ел үшін стратегиялық тұрғыдан аса маңызды.

Өскемен қаласында Шығыс Қазақстан облысының әкімі Нұрымбет Сақтағанов еліміздің шекарасын күзетуге жақын арада кірісетін Шекара қызметі бөлімшелерінің болашақ командирлерімен кездесуі өтті.

Шекарашылар әрқашан Қарулы күштердің элитасы болып келді және солай болып қала береді. Олардың мойнында – мемлекеттік шекараны қорғау және ел қауіпсіздігін қамтамасыз ету сынды ерекше жауапкершілік жатыр, - деді деді Нұрымбет Сақтағанов жас офицерлерге. - Сіздер туған-туыстарыңыздың, ең бастысы – бүкіл елдің сенімін ақтауларыңыз керек. Сіздерге рух мықтылығын, іске және Отанға адалдық тілеймін!