Өскемен мен ШҚО Өскеменде түнде жаяу жүргіншіні көлік қағып мерт қылды
Оқыс оқиға кеше түнде Мирный кентінде орын алды
Фото:
pexels
47 жастағы азамат ауыр жарақат алып, оқиға орнында көз жұмды, деп хабарлайды Устинка LIVE тілшісі.
ШҚО ПД баспасөз қызметі мәлімдегендей, 3 тамыз түнгі сағат 22.50 шамасында Пограничная көшесінде Kia Morning маркалы көлік 47 жастағы ер адамды қағып кеткен. Ауыр жарақат салдарынан ол сол жерде қаза тапты.
Жол-көлік оқиғасына қатысты сотқа дейінгі тергеу басталып, тиісті сараптамалар тағайындалды.
Ал әлемжелі қолданушылары апат орын алған жерде жарық шамдардың жоқтығын еске салады.
Көлік жүргізушілері кешкі, түнгі уақыттарда жылдамдықты сақтауы қажет. Ал жаяу жүргіншілер тек белгіленген жерден жолдан өтіп, аса мұқият болғаны жөн, - деп еске салады ШҚО ПД.