Өскемен мен ШҚО Шығысқазақстандық қолөнер шеберлерінің байқау-көрмесі өтеді
"Шығыс кәдесыйы" облыстық фестиваль-байқауы 6 шілде күні облыс орталығындағы Қ. Қайсенов атындағы саябақта ұйымдастырылады
Ол Астана күні мен Ұлттық домбыра күніне орайластырылған, деп хабарлайды Устинка LIVE тілшісі.
Көрермен назарына түрлі-түсті кестеленген тұскиіздер, сырмақтар, ши тоқу, ою салынған және боялған тұрмыстық заттар, киізден жасалған киімдер, былғарыдан жасалған аксессуарлар, тас пен металдан жасалған зергерлік бұйымдар және т.б қолөнер бұйымдары ұсынылады. Шеберлер тоқымашылық, қоға өру, саздан мүсіндеу, біз кесте және тағы басқа қөлөнер түрлері бойынша шеберлік дәрістерін өткізеді.
Сондай-ақ, фестиваль қатысушылары мен қонақтары үшін қаланың өнерпаздары ән мен биден шашу шашады. Фестиваль соңында "Шығыс кәдесыйы – 2025" облыстық байқауының жеңімпаздары марапатталады.
Фестиваль-байқау 11.00-17.00 аралығында өтеді.