Өскемен мен ШҚО Өскемендегі кезекші ХҚКО мекенжайы өзгереді
1 шілдеден бастап кезекші кесте бойынша Сәтпаев даңғылындағы ХҚКО жұмыс істейді
Ал Қазақстан көшесіндегі орталық қалыпты жұмыс кестесіне көшеді, деп хабарлайды Устинка LIVE тілшісі.
Өскемен қаласының №1 ХҚКО (Сәтпаев даңғылы, 34/2) кезекші кесте бойынша жұмыс істейтін болады. Ал Өскемен қаласындағы №2 ХҚКО (Қазақстан көшесі 99/1) қалыпты жұмыс кестесіне көшеді: жұмыс күндері сағат 8.00-ден 17.00-ге дейін. Сенбі және жексенбі – демалыс күндері.
Еске сала кетейік, кезекші ХҚКО-лар дүйсенбі мен жұма аралығында сағат 8.00-ден 19.00-ге дейін үзіліссіз, ал сенбі күні сағат 8.00-ден 12.00-ге дейін азаматтарды қабылдайды.
Айта кетейік, Самар тас жолы 23-те орналасқан кезекші мамандандырылған ХҚКО мекенжайы өзгеріссіз қалады. Ол жұмыс күндері сағат 8.00-ден 17.00-ге дейін үзіліссіз қызмет көрсетеді. Дайын құжаттарды беру сағат 19.00-ге дейін жүзеге асырылады. Сенбі күні азаматтарды қабылдау – 8.00-ден 11.00-ге дейін, дайын құжаттарды беру – 12.00-ге дейін.
