Өскемен мен ШҚО ШҚО-ның жас журналисі Президент қолынан марапат алды
Облыстық "Менің өлкем" және "Buqara.kz" сайтының бас редакторы Талғатжан Мұхамадиев "Шапағат" медалімен наградталды
Мемлекет басшысы кәсіби мереке қарсаңында Ақордада БАҚ қызметкерлерін құттықтап, марапаттады, деп хабарлайды Устинка LIVE тілшісі.
Президент Қасым-Жомарт Тоқаев отандық журналистика саласының дамуына елеулі үлес қосқан бір топ азаматты мемлекеттік наградалармен марапаттады. Олардың қатарында шығысқазақстандық әріптесіміз Талғатжан Мұхамадиев бар.
Талғатжан Мұхаметбекұлы Өскемендегі С. Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші қызметтерін атқарған. Бүгінде Buqara.kz сайты мен ШҚО "Менің өлкем" газетінің бас редакторы.