Өскемен мен ШҚО ШҚО-да "Altay Invest" халықаралық инвестициялық форумы өтеді
Облыста туризм, өнеркәсіп, ауыл шаруашылығы, энергетика және басқа да салалар бойынша өңірдің инвестициялық және экспорттық әлеуетін таныстыру шарасын өткізу жоспарлануда
Аталған шара 10 қыркүйекте Өскемен қаласында өтетін "Altay Invest" халықаралық инвестициялық форумына серпін береді деп күтілуде, деп хабарлайды Устинка LIVE тілшісі.
"Әділетті Қазақстан: заң және тәртіп, экономикалық өсу, қоғамдық оптимизм" Жолдауында Мемлекет басшысы Қасым-Жомарт Тоқаев шетелдік инвестицияларды ел экономикасына тарту жұмыстарын жандандырудың маңыздылығын атап өтті. Осы тапсырманы жүзеге асыру аясында, 9 шілде күні Шығыс Қазақстан облысы әкімдігі туризм, өнеркәсіп, ауыл шаруашылығы, энергетика және экономиканың басқа да басым бағыттары бойынша өңірдің инвестициялық және экспорттық әлеуетін таныстыратын арнайы іс-шара өткізуді жоспарлап отыр.
Форумның басты мақсаты – халықаралық ынтымақтастықты дамыту және шетелдік серіктестермен жаңа іскерлік әрі инвестициялық байланыстар орнату, - деді ШҚО әкімі Нұрымбет Сақтағанов.
Облыс әкімінің айтуынша, өңірде басым салаларға инвестиция тарту үшін тұрақты түрде қолайлы жағдайлар жасалып, бұл Шығыс Қазақстанның әлеуметтік-экономикалық дамуына оң әсерін тигізуде.