Өскемен мен ШҚО Өскемендегі Болашақ шағын ауданына автобус жүретін болады
Сонымен қатар, көшелері жарықтандырылып, бейнебақылау камералары орнатылмақ
Қала әкімі Алмат Ақышов Меновное кентіне іргелес орын тепкен Болашақ шағын ауданынның тұрғындарымен кездесті, деп хабарлайды Устинка LIVE тілшісі.
Кездесу барысында тұрғындар бейнебақылау камераларын орнату, көше жарығы, аялдамалар мен қоғамдық көлік жұмысын жақсарту туралы мәселелерін көтерді.
Маусым айында бұл шағын ауданға автобус бағыты іске қосылады. Көше жарығына қатысты мәселе бақылауда – мамандар қажетті өлшеулер жүргізіп, қосымша шамдар орнату мүмкіндігін зерделейтін болады, - деді Өскемен қаласының әкімі. - Сондай-ақ орталық көшедегі орташа жөндеу жұмыстары жүргізілген учаскені аралап шықтым. Асфальт жабындысының сапасын тексеріп, жауапты мамандармен абаттандырудың келесі кезеңдерін талқыладық.