Өскемен мен ШҚО Өскеменде балалар арасында шағын футболдан турнир өтті
Қалалық әкімдіктің қолдауымен 1 маусым – Балаларды қорғау күніне орай аула командалары арасында мини-футболдан турнир ұйымдастырылды
Фото:
Өскемен қаласы әкімінің баспасөз қызметінен
Бес күнге созылған жарыс 2011–2013 жылдары туған жас футболшылар арасында өтті, деп хабарлайды Устинка LIVE тілшісі.
Турнирге барлығы 18 команда қатысты. Қорытынды бойынша "Жастар" командасы бірінші орынды, "Самал" екінші орынды, ал "Алтай" командасы үшінші орынды иеленді. Жеңімпаздар мен жүлдегерлерге дипломдар, медальдар және естелік сыйлықтар табысталды, - деп хабарлады Өскемен қаласы әкімінің баспасөз қызметі.
Сонымен қатар, аула футболын одан әрі дамыту мақсатында қала әкімдігі қатысушы командаларға футбол доптары мен торлар жиынтығын сыйға тартты.