Өскемен мен ШҚО Өскемендік оқушылар әскери бөлімде болып, сарбаздардың өмірімен танысты
Ұлттық ұланның "Шығыс" өңірлік қолбасшылығының №5518 әскери бөлімінде оқушыларға арналған ашық есік күні өтті
Халықаралық балаларды қорғау күні қарсаңында "Үміт" балалар үйінің тәрбиеленушілері үшін танымдық экскурсия ұйымдастырылды, деп хабарлайды Устинка LIVE тілшісі.
Алдымен заманауи үлгідегі қару-жарық пен әскери киім үлгілерінен тұратын көрмені тамашалады, тіпті қолмен ұстап, киіп керуге де рұқсат етілді. Ары қарай казармадағы үй-жайларды аралап, әскери асхананы көрді. Сарбаздарға арналған ас мәзірімен танысып, сарбаз ботқасынан дәм татты.
Тағылымды шара аясында оқушыларға әскери тәртіп туралы, әскери қызметтің, жауынгерлік және оқу-жауынгерлік тапсырмалардың өту тәртібі туралы түсіндірілді. Әскери-патриоттық тәрбие беру – жастарға өз елі мен Отанын сүюге үйрететін, оларды адалдыққа тәрбиелеудегі басым бағыттардың бірі болып табылады, - дейді әскери бөлім командирінің орынбасары майор Серік Ноғаев.
