Үлкен Нарынның емдік-сауықтыру туризмін дамытуға әлеуеті бар

Туризм саласын дамыту жоспары туралы аудан әкімі айтты, деп хабарлайды Устинка LIVE тілшісі.

Елдос Байрахметов мәлімдегендей, Приморск ауылында жағажай аймағын абаттандыру, ауданның кіреберіс қақпаларын орнату, туристік ақпараттық орталықтың аумағын абаттандыру және Свинчатка ауылында демалыс базасын салу жоспарлануда.

Үлкен Нарын емдік-сауықтыру, экологиялық және спорттық туризмді дамытуға үлкен әлеуетке ие. Қазіргі таңда ауданда алты туристік нысан жұмыс істеп тұр: "Приморск" демалыс базасы, екі қонақүй, "Абзал" пантоемдеу емханасы, "Арайлы Шығыс" және "Сұңқар" балаларды сауықтыру лагерьлері. Жаңа көлік инфрақұрылымы ауданға келіп-кетуге қолайлы жағдай жасап, өңірдің туристік тартымдылығын арттырады деп күтілуде. Бұл ауданның әлеуметтік-экономикалық дамуына оң әсерін тигізеді, – деді ол.

Ауданда жол бойы сервисті дамыту бойынша да шаралар қолға алынуда. Аудан әкімдігі мен "ҚазАвтоЖол" АҚ-ның бірлескен жобасы аясында заманауи жол бойы сервистік нысан ашылды.