Өскемен мен ШҚО Балаларды қорғау күні Өскеменде қандай шаралар өтеді?
Халықаралық балаларды қорғау күні биыл жексенбіге түсіп тұр
1 маусымда облыс орталығында ән мен би, мерекелік бағдарламалар ұйымдастырылады, деп хабарлайды Устинка LIVE тілшісі.
31 мамыр – 1 маусым күндері Үлбі өзенінің аңғарында дәстүрлі патриоттық ойындар өтеді.
10.00-ден 13.00-ге дейін Республика алаңы мен Солжағалау кешенінде балаларға арналған концерт пен ойын-сауық жоспарланған. Этносаябақта PlayArena арнайы ойын аймағы жұмыс істеп тұрады.
"КЕРЕМЕТ" балалар фестивалі де Солжағалау кешенінде өтеді. Саябақ аумағында жеті тақырыптық алаң ұйымдастырылады. Қызықты әрі танымдық ойындар, спорттық сайыстар мен шеберлік сағаттары өтеді.
11.00-де Арбатта балаларға арналған жалпықалалық мереке басталады. Онда театрландырылған қойылым, викторина, шахмат "аукцион", экспресс шеберлік сағаты, сурет салу байқауы және басқа да көңілді ойындар өткізу көзделген.