Өскемен мен ШҚО Өскеменде түрме ауласына тыйым салынған заттар лақтырмақ болған
№16 түзеу мекемесінің күзеті мен ұлттықұландықтар күдіктіні қолға түсірді
Тергеу барысында оның бұрын істі болғаны анықталды, деп хабарлайды Устинка LIVE тілшісі.
№16 түзеу мекемесінің қызметкерлерімен бірге Ұлттық ұланның №6699 әскери бөлімінің рота командирінің бақылаушылар қызметі жөніндегі орынбасары тыйым салған аймақтың бірін торауылдау кезінде бүркемелі қоршаудың сыртқы жағынан ішке қарай белгісіз заттарды лақтыруға әрекеттенген азаматты қолға түсіреді.
Тексеру барысында бұрын сотты болған ер адам түзеу мекемесіне SIM-картасы бар бірнеше смартфон, зарядтау құрылғысы, тоғыз жұп құлаққап және дәрі-дәрмек пен жөргектер лақтырмақ болғаны анықталды, - деп мәлімдеді ҚР ҰҰ "Шығыс" өңірлік қолбасшылығының баспасөз қызметі. - Тыйым салынған заттар жедел түрде тәркіленіп, акт жасалып, құзырлы органдарға тапсырылды. Бұған дейін ер адам сол мекемеде жазасын өтеген.