ШҚО-да 40ºС дейін ыстық болады

Синоптиктердің болжауынша, демалыс күндері облыста 40 градус ыстық болады, деп хабарлайды Устинка LIVE тілшісі.

"Қазгидромет" ШҚО филиалының ақпараты бойынша, 17-18 мамырда күндіз облыстың оңтүстігінде 40ºС ыстық күтіледі.

Сақтық шараларын ескеріңіз:

• мүмкіндігінше далада көп жүрмеу, әсіресе ең ыстық сағаттарда – 11-17 аралығында;
• күндіз қарқынды физикалық белсенділіктен аулақ болыңыз;
• көшеде жүрсеңіз, көлеңкемен жүруге тырысыңыз;
• қантты және алкогольді сусындарды ішуге болмайды;
• судың жанында демалу - тек рұқсат етілген жерлерде, абаттандырылған жағажайларда шомылыңыз, балаларды қараусыз қалдырмаңыз, мас күйінде шомылмаңыз.
• отпен абай болыңыз, өйткені ыстық күнде өрт шығу ықтималдығы жоғары
• автокөліктерден сөндірілмеген темекіні, шыны ыдысты тастамаңыз.

ТЖ туындаған жағдайда "112" бірыңғай құтқару телефонына қоңырау шалу керек.