Өскемен мен ШҚО Өскемендік оқушылар құтқарушылардың қызметімен танысты
ШҚО Төтенше жағдайлар департаментінің құтқарушылары балаларға арналған ашық есік күнін өткізді
Ұл-қыздар өрт сөндірушілердің жауынгерлік киімдері мен сүңгуір құралдарын киіп, құтқарушы мамандығын, техника мен технологияны тереңірек танып, өздерін бір сәт заманауи қаһарман рөлінде көрді, деп хабарлайды Устинка LIVE тілшісі.
Кәсіби құтқарушылар өртті сөндіру, жаңа жүрдек қайықтарда адамдарды құтқару және зардап шеккендерге алғашқы медициналық көмек көрсету жолдарын көрсетті. Мұндай ашық есік күндері балалармен байланыс орнатуға көмектеседі және оларға қолжетімді формада қауіпсіздік негіздерін тиімді үйретеді. Сондай-ақ қатысушылар үшін арнайы білім беру викториналары мен эстафеталар ұйымдастырылып, олар төтенше жағдайларға имитацияланған жағдайда бақтарын сынады.
Балалар біздің іс-шараларға әрқашан белсенді қатысады. Біз өскелең ұрпаққа заманауи тәрбие берудің әдіс-тәсілдерін табуға тырысамыз. Бұл күндер оқушылардың жадында жақсы сақталады. Тіпті өз болашағына бағдар алып, құтқарушы мамандығына оқуға баратындар да болады, - дейді ШҚО Төтенше жағдайлар департаменті бастығының орынбасары Исхар Савазов.
