Өскемен мен ШҚО Есенгелді бидің тарихы мен шежіресі кітапқа басылды
Тарбағатай өңірінің перзенті Есенгелді би елге сыйлы, дана мәмілегер, мемлекет қайраткері болған
А.С. Пушкин атындағы Шығыс Қазақстан облыстық кітапханасында "Есенгелді би тарихы мен шежіресі" кітабының тұсаукесері өтті, деп хабарлайды Устинка LIVE тілшісі.
Бұл кітап тек шежіре ғана емес, сонымен қатар тарихи-мәдени маңызы зор зерттеу. Онда бидің бес Саты, алты Жұмық деген екі үлкен әулетінен тараған ұрпақтарының генеалогиясы жан-жақты зерделенген.
Кітапта Есенгелді бидің ел ішіндегі орны, шешендік өнері, жас ұрпақ тәрбиесіндегі рөлі кеңінен ашылып көрсетілген. Бұл – тұтас бір әулеттің тарихын баяндайтын рухани мұра.
Еңбек ауызша деректерге, архивтік құжаттарға және көнекөз қариялардың естеліктеріне сүйене отырып жазылған. Шығарма тарихи шындыққа негізделіп, жүйелі түрде ұсынылған.