Өскемен мен ШҚО Өскемендік балалар әкімнен ойын алаңын сұрайды
Бүгін Жібек матар комбинаты ауданындағы бірнеше үйдің балалары қала әкіміне бейнеүндеу жолдады
Олар аулаға ойын алаңын салып беруді сұрап, әкімді кездесуге шақырды, деп хабарлайды Устинка LIVE тілшісі.
Қазыбек би 46, 48, 50, 52, Есенберлин даңғылы 19, 21, 23, 23/1, 23/2 мекенжайында тұратын бүлдіршіндер қала әкімінен жаңа ойын алаңын салып беруді сұрады.
Өскемен қалалық әкімдігі тұрғындардың өтінішіне қатысты жауап берді.
Тұрғындардан келіп түскен барлық ұсыныстар мен өтініштер қала әкімінің тұрақты бақылауында. Қала басшысы аталған аулаға барып, балалармен міндетті түрде кездеседі. Олардың көтерген мәселесі назардан тыс қалмайды, шешімін табады. Балалар үшін қолайлы әрі қауіпсіз жағдай жасау - басым бағыттардың бірі болып қала береді, - деп мәлімдеді қала әкімінің баспасөз хатшысы Замира Мурсалимова.