Өскемен мен ШҚО Өскемен тұрғынының атынан 7 шағын несие рәсімделген
Белгісіз біреу заңсыз жолмен оны 800 мың теңгеге қарызға батырған
Алаяқ белгілі мессенджерлердің бірі арқылы оның жеке деректеріне қол жеткізген, деп хабарлайды Устинка LIVE тілшісі.
Белгісіз біреу оның жеке деректерін, нақтырақ айтқанда растау кодын пайдаланып, оның атына жалпы сомасы 800 мың теңгеден астам 7 несие рәсімдеген, - деп мәлімдеді ШҚО ПД баспасөз қызметі. - Жедел-іздестіру шараларының нәтижесінде күдікті ұсталды. Аталған факті бойынша қылмыстық іс қозғалып, тергеу амалдары жүргізілуде.
Полиция департаменті азаматтарды бір реттік кодтарды, құпия сөздер мен жеке деректерді бөгде адамдарға берудің қауіпті екенін ескертеді. Алаяқтар несие рәсімдеу сынды түрлі тәсілдерді қолдана отырып, азаматтардың сеніміне кіріп, заңсыз әрекеттер жасайды.
Жеке мәліметтерді құпия сақтап, ешкімге жіберуге болмайды. Әсіресе мессенджер арқылы келген күмәнді хабарламаларды мұқият тексерген жөн.
Алаяқтық белгілерін байқаған жағдайда дереу "102" нөміріне хабарлау қажет.