Өскемен мен ШҚО Ертең облыс орталығында сенбілік жәрмеңке өтеді
Өскеменде осы сенбіде ауылшаруашылық жәрмеңкесі екі жерде ұйымдастырылады
Фото:
Устинка LIVE
Бірі әдеттегідей "Алтай" көтерме-тарату орталығында, екіншісі – Достық үйі маңында, деп хабарлайды Устинка LIVE тілшісі.
"Алтай" көтерме-тарату орталығында (Жібек жолы көшесі, 44) өтетін жәрмеңкеде Алтай ауданының кәсіпкерлері ет және шұжық өнімдері, сүт, ірімшік, қаймақ, күнбағыс майы, көкөністерді арзан бағада саудалайтын болады.
Сондай-ақ Достық Үйі-Қоғамдық келісім орталығының (бұрынғы ММС) жанында жергілікті ауыл шаруашылығы тауарын өндірушілер мен жақын маңдағы фермерлер өз өнімдерін ұсынады. Сатылымда сүт, ет және шұжық өнімдері, азық-түлік өнімдері, бал, көкөністер, жемістер болады.