Өскемен мен ШҚО Өскеменде студент түрмеге бірнеше смартфон лақтырмақ болды
Түрме сыртында тұрған студентті әскери қызметкер қолға түсірген
Студент осы қызметі үшін сыйақы алған, деп хабарлайды Устинка LIVE тілшісі.
Кеше Өскемен қаласының №17 түзеу мекемесінің қызметкерлері мен Ұлттық ұланның №6699 әскери бөлімінің кинологы сержант Темірбек Губайдуллин "Тор" есімді қызметтік итімен аумақты патрульдеу барысында бүркемелі қоршаудың сыртқы жағынан тыйым салынған зат лақтырмақ болған азаматты ұстады.
Тексеріс барысында ол түрме ауласына "Sumsung", "Huawei" және "Oppo" маркалы алты ұялы телефон кіргізбек болғаны анықталды. Ұсталған азамат бұрын сотты болмаған. 2005 жылы туған күдікті Өскемен қаласындағы ЖОО-ның бірінің студенті екені белгілі болды. Қаладағы университеттің 3-курс студенті бұл қадамға ақшалай сыйақы үшін барғандығын баяндады. Сондай-ақ оның телефондарды кімге бермекші болғаны анықталды. Тыйым салынған заттар жедел түрде тәркіленіп, акт жасалып, күзет бөліміне тапсырылды, - деп хабарлады "Шығыс" өңірлік қолбасшылығының баспасөз қызметі.