Өскемен мен ШҚО ШҚО-дағы барлық көпір мен су өткізетін құбырлар тазартылды
ШҚО-да 2025 жылға арналған тасқын кезеңіне дайындық жұмыстары аяқталды
Облыста бүгінгі күнге дейін 437 көпір мен 4853 су өткізу құбыры тазартылды, деп хабарлайды Устинка LIVE тілшісі.
Оның ішінде 109 көпір мен 1299 құбыр – республикалық жолдарда, 90 көпір мен 1634 құбыр – облыстық жолдарда, ал қалалар мен аудандарда – 234 көпір мен 1920 құбыр.
Жалпы облыс жолдарында және елді мекендер көшелерінде 782 техника бірлігі құрылды, оның ішінде: республикалық маңызы бар жолдарда 100 техника бірлігі, облыстық маңызы бар жолдарда 119 техника бірлігі, аудандық әкімдіктердің қарамағында 563 техника бірлігі бар, - деп атап өтті ШҚО жолаушылар көлігі және автомобиль жолдары басқармасы басшысы орынбасарының м.а. Нұрбек Тұраров.
Ағымдағы жылдың тасқын кезеңіне дайындық аясында 2024 жылы 10 су өткізу құбыры жөнделіп, кеңейтілді, сондай-ақ облыстық маңызы бар "Ақсуат-Бөкей-Қарасу-Ақжар-"М-38 Омбы-Майқапшағай" 55 шақырымы, "Күршім-Қалжыр-Ақсуат" автожолдарын судан сақтау үшін арнайы бөгет салынды.
Барлық жерлерде құм, тас және топырақ қоры, қажетті жабдықтармен қамтамасыз етілген. Төтенше жағдайларға дайындық үшін жедел топтар құрылып, тәулік бойы диспетчерлік қызметтер жұмыс істейді, ал жауапты тұлғалар бекітілген.
Облыста қауіп төнген жағдайда ведомствоаралық өзара іс-қимылдың нақты алгоритмі жұмыс істейді: жол қызметкерлері, полиция, ТЖ және жергілікті әкімдіктер тартылған.