Өскемен мен ШҚО Назарбаев даңғылындағы 14 үйдің сырты боялады
Өскемен қаласында тұрғын үйлердің қасбеттерін жөндеу жұмыстары басталды
Облыс орталығында Назарбаев даңғылы бойында орналасқан, "Металлург" саябағынан Комендантка өзеніне дейінгі аралықтағы қос тараптағы 14 тұрғын үйдің қасбеті жаңартылады, деп хабарлайды Устинка LIVE тілшісі.
Өскемен қаласының әкімі бұл жұмыстардың сапасы үнемі бақылауда болатынын айтады.
Жөндеу барысын тексеріп шықтым. Қасбеттерге қолданылатын бояулардың сапасына және түс үйлесіміне ерекше назар аударылуда. Бұған дейін тұрғындар тарапынан айтылған пікірлер ескеріліп, бұл жолы барлық кезеңдерде мұқият қадағалау жүргізіледі, - деді қала әкімі Алмат Ақышов.
Өскемен қаласының тұрғын үй қатынастары бөлімі сонғы 5 жылда 96 үйдің қас бетін жөндеткен. 2020 жылы 10 үй, 2023 жылы 34 үй, 2024 жылы 52 үй.
