ШҚО-да ауыл тұрғынынан 5 келіге жуық есірткі тәркіленді

Күдікті психотроптық заттарды өз үйінде өңдесе керек, деп хабарлайды Устинка LIVE тілшісі ШҚО ПД ақпаратына сүйеніп.

Жедел тінту барысында оның үйі мен шаруашылық құрылыс нысандарынан психотроптық заттарды өңдеуге пайдаланылған құралдар, сондай-ақ өзіндік иісі бар өсімдік тектес зат салынған жеті қаптама табылды. Бұдан бөлек, ұқсас зат бар көк түсті полимерлі қойма ыдысы анықталды, - делінген ШҚО ПД баспасөз қызметі ақпаратында. - Сараптама қорытындысына сәйкес тәркіленген заттың жалпы салмағы 4846,71 грамм кептірілген марихуана екені белгілі болды. Бұл мөлшер заң бойынша аса ірі көлемге жатады.

Аталған факті бойынша сотқа дейінгі тергеу жүргізілуде.