Өскемен мен ШҚО Өскемендегі ең сұлу бойжеткен анықталды
Облыс орталығында дәстүрлі "Өскемен Аруы" байқауының финалы өтті
Жарыс Өскемен қаласы әкімдігінің қолдауымен ұйымдастырылды, деп хабарлайды Устинка LIVE тілшісі.
Ұлттық дәстүр мен мәдени мұраны дәріптеуге бағытталған "Өскемен аруы" байқауына қатысушылардың таланты мен білімі, сымбаты мен өнері сынға түсті.
Биыл байқауға Өскемен мен облыс аудандарынан 80-ге жуық бойжеткен өтініш қалдырған. Финалға өткен арулар бірнеше кезеңнен өтіп, олардың сұлулығы ғана емес, ақылы, креативті ойлау қабілеті, көпшілік алдында өзін ұстау мәнері және қазақ мәдениетін білу деңгейі бағаланды.
Байқау нәтижесінде Зинаида Бектемірова жеңімпаз атанды.
Айта кетейік, бас жүлде иегеріне 1 миллион теңге ақшалай сыйлық табысталды. Ал жүлдегерлерге демеушілер тарапынан бағалы сыйлықтар мен 100 мың теңгелік сертификаттар берілді.
