Өскемен мен ШҚО Өскеменнің іргесіндегі Шығыс ауылында Наурыз мейрамы тойланды
Кент тұрғындары қазан көтеріп, ат шаптырып, күрес, айтыс ұйымдастырып, ұлттық салт-дәстүрді жаңғыртты
Арнайы дастархан жайылып, тұрғындар мен қонақтар ұлттық тағамдардан дәм татты, деп хабарлайды Устинка LIVE тілшісі.
Мерекенің басты нышаны – киіз үйлер қалашығы болды. Мұнда 15 киіз үй тігіліп, әрқайсысы өзіне тән ұлттық нақышымен безендірілді. Қонақтарға дәстүрлі тағамдар ұсынылып, ата-бабаларымыздан жеткен мәдени құндылықтар таныстырылды.
Жергілікті өнерпаздар концерттік бағдарлама ұсынып, мерекелік көңіл-күй сыйлады. Сонымен қатар, ұлттық ойындардан сайыстар, ақындар айтысы ұйымдастырылды.
Бұл күні кенттің дамуына үлес қосып, қоғамдық өмірге белсене араласып жүрген азаматтар қала әкімінің атынан алғыс хаттармен марапатталды.
Следующая →
