Өскемен мен ШҚО Өскемен зообағындағы "Шанди" өз қонжықтарын көрсетті
Солжағалау кешеніндегі музей-қорықтың хайуанаттар бағында бірден үш қонжық дүниеге келді
Фото:
Солжағалау кешеніндегі музей-қорықтан
Ағымдағы жылдың қаңтарында Шанди атты кірекейдің үш қонжығы дүниеге келді, деп хабарлайды Устинка LIVE тілшісі.
Мамандар кірекейдің бірден үш қонжық дүниеге әкелуі сирек кездесетінін айтады. Әдетте еркін жүрген аюлар екі қонжықтан туады.
Кірекей мен оның қонжықтары қаңтардан бері апаннан шықпаған. Тек бүгін ғана алғаш рет қонжықтарын көрсетіп, таза ауаға шықты. Енді хайуанаттар бағына келушілер сүйкімді қонжықтарды көре алады.
Зоологтар оларды мазаламай, бейнекамералар арқылы бақылау жасайды.