Өскемен мен ШҚО Ертең Өскеменде Шәмші әндерінің кеші өтеді
Байжігіт атындағы қазақ халық аспаптар оркестрі мен "An.Sal.Dar" тобының "Әнім сен едің" атты ән кешіне шақырады
Ән кеші Қазақ вальсінің патшасы Шәмші Қалдаяқовтың 95 жылдығына және Наурыз мейрамына арналады, деп хабарлайды Устинка LIVE тілшісі.
Шәмші Қалдаяқов - аса көрнекті сазгер, ән жанрының әйгілі майталманы, Қазақстан мәдениетіне еңбегі сіңген қайраткер, осы замандағы қазақ эстрадасының негізін салушылардың бірі, Қазақстанның халық әртісі. Қазақтың музыка өнерінде Шәмшінің орны ерекше 300-ге жуық әні бар. Композитор шығармаларының тақырыптық, мазмұндық ауқымы аса кең. Елге, жерге, Отанға, ата-анаға, жарға, дос-жаранға деген сүйіспеншілік – Шәмші шығармаларының басты тақырыбы.
Концерт 21 наурыз күні сағат 15.00-де Шығыс Қазақстан облыстық филармониясының көрермендер залында өтеді. Кіру тегін.