ШҚО-да неке саны артып, ажырасу азайған

Ал былтыр ажырасқандар саны 2261 құрады, деп хабарлайды Устинка LIVE тілшісі Ұлттық статистика бюросының ШҚО бойынша департаментіне сілтеме жасап.

2024 жылы АХАТ органдары Шығыс Қазақстан облысында 4724 некені тіркеді, бұл бұдан бұрынғы жылмен салыстырғанда 3,3% көп. Қалалық жерлерде 3420 неке (72,4%), ауылдық жерлерде 1304 неке (27,6%) тіркелді, - деп мәлімдеді Ұлттық статистика бюросының ШҚО бойынша департаменті. - Өңірлер арасында Риддер қаласының тұрғындары көп некелескен, ал ең төменгі деңгей Катонқарағай ауданында.

Отбасын құрғандардың ішінде бірінші рет некеге тұрған ерлердің үлесі 67,7%, әйелдерде – 65,7%. Ал ажырасқандар арасында қайта некеге тұру үлесі ерлерде 30,5%, әйелдерде 31,1% болды.

Алғаш рет некеге тұрғандардың орташа жасы ерлер үшін 29,5 жас, әйелдер үшін 27 жас болды.

Тіркелген некелердің 83,3% моноэтникалық, яғни бір ұлт арасындағы жұптардың отасуы, ал қалған 16,7% – этносаралық.

Ажырасу саны 2023 жылмен салыстырғанда 1,1% азайып, 2261 құрады. Қалалық жерлерде 1685 ажырасу (74,5%), ауылдық жерлерде 576 ажырасу (25,5%) тіркелген. Ажырасудың ең жоғары деңгейі де Риддер қаласында, ең төмен деңгейі тағы да Катонқарағай ауданында, - делінген хабарламада. - Неке ұзақтығы бойынша ажырасулардың ең көп үлесі (36,5%) некеде 1-4 жыл өмір сүрген отбасылар арасында, тағы 25,7% 5-9 жыл бірге отасқандар арасында болған.