Өскемен мен ШҚО ШҚО драма театры жаңа қойылымның тұсаукесеріне шақырады
Мұхтар Мағауиннің "Жармақ" романының желісімен қойылған жаңа спектакль көрерменге жол тартпақ
Фото:
ШҚО драма және оперетта театрынан
Тұсаукесер 15-16 наурыз күндеріне жоспарланған, деп хабарлайды Устинка LIVE тілшісі.
Қойылымды арнайы шақыртылған жас режиссер Мейрам Хабибуллин сахналайды. Басты рөлдерді сомдайтын актерлер: Мұрат – Балташ Абылхаков, Марат – Едіге Ақылбеков.
Бұл қойылым қазіргі қоғамның қосжақтылығын, адамның ішкі жан дүниесіндегі арпалысты сахна тілімен жеткізетін ерекше туынды болмақ. Спектакльдің басты идеясы – қазіргі заман адамының болмысын, оның рухани және материалдық құндылықтар арасындағы күресін көрсету. Шығармадағы Жармақ бейнесі – екіге жарылған тұлғаның, бір-біріне кереғар көзқарастардың, заман қайшылықтарының көрінісі.
