Өскемен мен ШҚО ШҚО ТЖД бұрымдылар сайысы өтті
Халықаралық әйелдер күніне орай ШҚО ТЖД қызметкерлері арасынан ең ұзын бұрымдылар анықталды
Ең ұзын бұрымды құтқарушы ару Глубокое ауданында тұрады, деп хабарлайды Устинка LIVE тілшісі.
Бұрым – әйелдің ішкі энергетикасының, нәзіктіктің символы, сұлулықтың белгісі, қыз-келіншектердің ары мен абыройы. Әрбір қыз баласын белінен төгілген бұрымы мен ақылына қарап бағалаған.
ШҚО ТЖД-да қызмет ететін арулардың арасында Глубокое ауданы ТЖБ инженері азаматтық қорғау майоры Сымбат Демесинованың бұрымы ең ұзын – 93 см. Одан кейін Белоусовка кенті 24-ӨСБ радиотелефоншысы азаматтық қорғау кіші сержанты Ақмарал Баймолдинаның бұрымы – 85 см, Шемонаиха ауданы ТЖБ 28-ӨСБ радиотелефоншысы азаматтық қорғау кіші сержанты Наталья Лейс-Бычкованың бұрымы – 73 см, - деп хабарлады ШҚО ТЖД баспасөз қызметі.
Жеңімпаз қыздар өздерінің әдемі бұрымдарын қалай күтетіндерімен бөлісті. Оның кұпиясы өте қарапайым - ең бастысы шаштың табиғи қалпын сақтау.