Өскеменде алғашқы кілем тоқушылар фестивалі өтіп жатыр

Фестивальге қатысуға 8 облыстан және республикалық маңызы бар 2 қаладан 27 шебер келген, деп хабарлайды Устинка LIVE тілшісі.

Республикалық фестиваль Шығыс Қазақстан облысының мәдениет басқармасы, Шығыс Қазақстан облыстық филармониясы мен ШҚО сәулет-этнографиялық және табиғи-ландшафттық музей-қорығының ұйымдастыруда.

Қолөнершілер қолданатын станоктармен, иіру құралдарымен және ежелгі материалдармен өтетін фестиваль дәстүрлі тоқымашылармен танысу үшін бірегей платформа болды. Көрермендердің назарына бірегей кілемдер, киізден жасалған бұйымдар, гобелендер және сәндік-қолданбалы өнердің басқа да үлгілері ұсынылды.

Фестивальге Қазақстанның белгілі шеберлері қатысты, олардың арасында:

• Ұлбосын Дауленова (Алматы облысы) – ЮНЕСКО-ның сапа белгісінің иегері, Қазақстан колөнершілер одағының мүшесі, этнодизайнер;

• Гүлнар Анапияева (Қызылорда облысы) – Халықаралық қолөнершілер форумының қатысушысы, "Асыл мұра" халықаралық қолөнершілер көрмесінің жүлдегері;

• Ғалия Рыскалиева (Атырау облысы) – сәндік-қолданбалы өнер шебері, Дүниежүзілік көшпенділер ойындарының қатысушысы;

• Әсел Даулбаева (Жамбыл облысы) – "AlánsQolóner" қолөнершілер бірлестігінің мүшесі;

• Камаш Толеубаева (Қарағанды облысы) – Қазақстан Қолөнершілер одағының мүшесі.

Шығыс Қазақстан облысынан: Ксения Лещенко, Надежда Ионова, Ошан Шакерман, Ергүл Тоқай, Сайлан Мухаметбек, Гульнар Кожамжарова, Дилинур Исмаилова, Динара Асетканова.

Жұмыстарды халық өнері саласындағы жетекші сарапшылар бағалайтын болады:

• Айжан Бекқұлова – Қазақстан Қолөнершілер одағының төрағасы (Алматы қаласы);

• Тарбия Айдымбаева – сәнгер, Tarbiyabrend сән үйінің жетекшісі;

• Бибігүл Карденова – "URSHUK" республикалық қоғамдық ұйымының төрағасы;

• Райса Мұхамеджанова – "ШҚО қолөнершілер орталығының жетекшісі;

• Күләш Ақашова – Қазақстан Суретшілер одағының мүшесі.