Өскемен мен ШҚО ШҚО-да ақындар мектебі ашылады
Бұл жас ақындарға қолдау көрсетіп, бағыт беретін, шабытын ұштайтын орта болмақ
Ақтан Нұрбаев атындағы ақындар мектебінің ашылу салтанатына айтыс жанашыры Жүрсін Ерман ақындар қатысады, деп хабарлайды Устинка LIVE тілшісі.
Ақындар мектебі А.С. Пушкин атындағы облыстық кітапханада 9 наруыз күні сағат 10.00-де ашылады.
Бойында ақындық дарыны бар жастар ақындар мектебінде бірнеше бағыт бойынша тәлім алады. Атап айтқанда, "Ақындық өнерге" жазылған жастарды айтысқа баулу, жыр мақамдарымен таныстыру жоспарланса, "Поэзия" бағыты жазба ақындық өнеріне баулиды. Сондай-ақ "Шешендік өнер" құпияларымен танысамын деген жастар сөз шеберлігіне жету жолдары, сахна мәдениетімен танысып, өлеңді мәнерлеп оқуға үйренеді.
Ақындар мектебі өңіріміздегі айтыс өнерінің дамуына елеулі үлес қосқан, ұлағатты еңбегімен елге үлгі болған жерлес ақын Ақтан Нұрбаевтың есімімен аталады, - дейді ұйымдастырушылар. - Шараға есімі алашқа танымал тұлғалар, абыз ақын, айтыс жанашыры Жүрсін Ерман бастаған Арқа төрінен, Алатау баурайынан келген ел ағалары, ақын-жазушылар қатыспақшы.
Ақындар мектебінің ашылуы жыл көлемінде аталып өтетін айтулы оқиғалар – сөз өнерін өмірінің тұмарына айналдырған жерлестеріміз Қалихан Ысқақ пен Дидахмет Әшімханұлының меретойларына арналған іс-шаралардың бастамасы болмақ.