Өскемен мен ШҚО ШҚО әкімдігі 160 млн теңгеге қызметтік көліктер сатып алады
Кей қала, аудан әкімдіктерінің қызметтік көліктері тозып тұрса, кей аудандар жаңадан құрылғандықтан бірнеше жаңа көлік сатып алынбақ
ШҚО әкімдігіндегілер автокөлік сатып алу бюджет жоспарларына және автопаркті жаңарту қажеттілігіне сәйкес жүргізілуде, деп хабарлайды Устинка LIVE тілшісі.
Жалпы сомасы 160 миллион теңгені құрайтын бұл сатып алуларға қатысты облыс әкімдігі түсініктеме берді.
Бұл қаражат 2024 жылы бекітілген болатын. Кейбір жағдайларда көлік сатып алу жаңадан құрылған аудандарды қажетті техникамен қамтамасыз ету қажеттілігімен байланысты, - деп түсіндірді ШҚО әкімдігінің өкілдері. - Мәселен, Өскемен қаласында әкімдік үшін екі жаңа көлік алынуда, себебі қолданыстағы техниканың тозуы байқалған. Қүршім ауданында жұмыспен қамту және әлеуметтік бағдарламалар бөліміне жаңа көлік сатып алынды, өйткені бұрынғысы істен шыққан. Жаңадан құрылған Марқакөл ауданына жеті көлікке қаржы бөлінсе, Катонқарағай ауданындағы мемлекеттік архивке бір қызметтік көлік алу жоспарланған.
Сонымен қатар, сатып алулар заң аясында жүргізілетіні нақтыланды: конкурстар жарияланып, экономикалық тұрғыдан негізделген ұсыныстар ескеріледі. Кейбір жағдайларда жеткізушілердің болмауына байланысты тендерлер қайта өткізілген.
Айта кету керек, қызметтік көліктер шалғай аудандарда халықпен жедел байланыс орнату үшін қажет.