Өскемен мен ШҚО Өскеменде республикалық ақындар айтысы өтеді
Аламан айтыс жерлесіміз Қалихан Ысқақтың мерейтойына арналады
Айтысқа ақын, журналист, ҚР еңбек сіңірген қайраткері Жүрсін Ерман қонақ болып, қазылық етеді, деп хабарлайды Устинка LIVE тілшісі.
Биыл қазақтың классик жазушысы, драматург, Алтайдың асқақ рухты перзенті, жерлесіміз Қалихан Ысқақтың 90 жылдығы. Осыған орай облыстық әкімдіктің қолдауымен облыс орталығында "Қара сөздің қарагері - Қалихан" атты республикалық ақындар айтысы ұйымдастырылмақ. Оған алаштың аяулы ақындары: Мақсат Ақанов, Жансая Мусина, Рүстем Қайыртай, Аспанбек Шұғатаев, Біржан Байту, Иранғайып Күзенбаев қатысады. Ал облыс намысын Серік Қуанған мен Ардабек Ақбаба қорғайды. Айтысты Аманжол Әлтай жүргізбек.
Сөз додасы Шығыс Қазақстан облыстық филармониясында (Протозанов көшесі, 43) 9 наурыз күні сағат 11.00-де басталады. Кіру тегін.