Өскемен мен ШҚО Шығысқазақстандықтар аз қамтылған отбасылардың балаларына көмектесе алады
ШҚО-да "Жүректен жүрекке" қайырымдылық акциясы басталды
Акция аз қамтылған отбасылардың балаларының тілектерін орындауды көздейді, деп хабарлайды Устинка LIVE тілшісі.
Жыл сайын өткізілетін қайырымдылық шарасы 1-ші наурыз - Алғыс айту күні бастау алмақ. ШҚО білім басқармасы ұйымдастырып отырған акция ағымдағы жылдың 31-ші мамырына дейін жалғасын табады.
Акцияның мақсаты – әр азаматты қайырымдылық ісіне тарту, балалар мен жасөспірімдердің тілектерін орындауға көмектесу үшін күш біріктіру, аз қамтылған отбасылардың мұқтаждықтары мен өтініштеріне бейжай қарамай, балаларға қол ұшын беру.
"Жүректен жүрекке" акциясының шеңберінде киім-кешек, аяқ киім, кітаптар, балалар ой-өрісін дамытатын ойындар, спорттық құралдар, шығармашылық дамуына қатысты басқа да бұйымдар сияқты аса қажетті заттарды сатып алуға байланысты өтініштер ғана қарастырылады, - деп хабарлады ШҚО білім басқармасы. - Акция бастау алғалы 9 жыл ішінде 22 000 баланың тілегі орындалды. Тілектердің барлығы облыстың коммерциялық және басқа да ұйымдардың, жеке тұрғындардың белсенді демеушілік көмегі арқылы жүзеге асты.