Өскемен мен ШҚО Өскеменде "Анама хат" онлайн челленджі жарияланды
Бұл челлендж Халықаралық әйелдер күніне орайластырылған
Онлайн челленджге кез келген облыс тұрғыны атсалыса алады, деп хабарлайды Устинка LIVE тілшісі.
Әлемге жылулық пен жарасым сыйлап, өміріміздің мәні бола білген асыл аналарымызға арналған "Анама хат – Письмо маме" челленджі 24 ақпаннан 4 наурызға дейін өтеді, - деп хабарлады Өскемен қалалық әкімдігі. - Бұл челлендж арқылы біз отбасылық құндылықтардың маңыздылығын, ана рөлін және ұрпақтар арасындағы қарым-қатынасты нығайтуды көздейміз.
Челленджге барлық азаматтар қатыса алады: мектеп оқушылары, студенттер, жастар, әскери қызметкерлер және анасына өз махаббаты мен алғысын білдіргісі келетін әрбір жан.
Қалай қатысуға болады?
1. Анамызға хат жазып немесе бейнеролик арқылы өзіміздің шынайы сезімдерімізді, алғысымыз бен құрметімізді білдірейік.
2. Жазған хатыңызды немесе роликті әлеуметтік желілерде #Анамахат_ШҚО хештегімен жариялап, анаңызды белгілеуді ұмытпаңыз
3. Достарыңызды челленджге қосылуға шақырыңыз