Өскемен мен ШҚО Пробациялық есепте тұрғандарға жұмысқа орналасуға көмектеседі
Өскемендегі Солжағалау аудандық пробация қызметінде есепте тұрған жазасын өтеушілер бос жұмыс орындары жәрмеңкесіне қатысты
Ұйымдастырушылардың айтуынша, жәрмеңке қаламызда бірінші рет өткізіліп отырған жоқ. Осыған дейін де бірнеше рет өткізілген, деп хабарлайды Устинка LIVE тілшісі.
Біздің есепте тұрған жұмыссыз жандарды еңбекпен қамтамасыз етуді – басты назарда ұстаймыз. Өйткені, олардың қайта қоғамға бейімделуі біз үшін өте маңызды, - деді Солжағалау аудандық пробация қызметінінің инспекторы, әділет капитаны Меруерт Ыдырышканова.
Қоғамда жұмыс тәжірибесінің жоқтығынан жұмыстаба алмай жүргендер көп. Кейбір жұмыс орындары бірден дайын маман іздеп, тәжірибесі аздарын ысырып тастайтыны жасырын емес. Ал жәрмеңкеге қатысқан кәсіпорындардың айтуынша, оларға жұмыс тәжірибесінің болу-болмауы аса маңызды емес. Тек арнайы бір мамандыққа қатысты болмаса, жұмысқа қабылданған маманға өздері бағыт-бағдар беріп, атқаратын қызметі бойынша бейімдеп алады.
