Тарбағатай ұлттық табиғи паркінде бұлан бейнежзабаға түсірілді

Бұландарды бейне жазбаға “Қарабұйрат” орманшылығының мемлекеттік инспекторлары түсірген, деп хабарлайды Устинка LIVE тілшісі.

Бұлан бұғылар тұқымдасына жататын ең ірі сүтқоректі, тұяқты жануар.

Шоқтығының биіктігі 2 метрге жетеді. Салмағы 600 кг-дай. Түсі қыста қара қоңыр, жазда қоңырқай, басы, аяғы ақшылдау. Алдыңғы аяқтарындағы тұяқтары өткір. Аталықтың үлкен шеңбер тәрізді мүйіздері бар. Олардың ені 180 см-ге дейін, салмағы 20-30 кг. Күзде мүйіздер құлап, сәуір-мамыр айларында жаңа мүйіздер өседі. Аналықтарында мүйіз болмайды. Жазда шөппен, қыста бұтақ, ағаш қабықтары және бұталарымен қоректенеді. Күйлеу уақыты қыркүйек-қазан. 225-230 күн буаздықтан кейін, мамыр-маусымда аналығы 1-2 төлін дүниеге әкеледі, -дейді “Қарабұйрат” орманшылығының мемлекеттік инспекторлары.