Өскемен мен ШҚО Өскеменде Қалихан Ысқақтың мерейтойына орай әдеби байқау жарияланды
Өскемен қаласындағы О. Бөкей атындағы кітапхана жазушы Қалихан Ысқақтың 90 жылдығына арналған байқау жариялады
Оған 20-50 жас аралығындағы жазушылар қатыса алады, деп хабарлайды Устинка LIVE тілшісі.
Жазушы Қалихан Ысқақтың 90 жылдығына арналған "Жарық дүние" республикалық әдеби байқауын жариялаймыз. Жанры – әңгіме. Еліміздің барлық аймағынан 20-50 жас аралығындағы талапкерлер қатыса алады. Шығармаларыңызды 2025 жылдың 1 ақпанынан – 1 тамызына дейін ukcbs@mail.kz электрондық поштасына жолдай аласыздар, - дейді кітапхана мамандары.
Байқаудың ережесімен кітапхананың bokeylibrary.kz сайтында танысуға болады.
Сауалдарыңыз болса: 8-7778550705, 8(7232) 25-17-70 немесе кітапхана директорының орынбасары Жиенбекова Жанат Мәуітқызына 87074949883 (whatsapp) телефон нөмірі арқылы хабарласа аласыздар.