Өскемен мен ШҚО ШҚО-да өңір кәсіпкерлеріне арналған оқу басталады
Өскемен көпсалалы технологиялық колледжінің базасында туризм саласы мен қонақүй кәсібінде қызмет ететін кәсіпкерлерге арналған білім беру курсы өтеді
Бағдарлама қызмет көрсету сапасын арттыруға бағытталған қонақүй және мейрамхана менеджменті, іскерлік этикет, мейрамхана ісі, бизнес-жоспарлау, сондай-ақ заманауи трендтерге сай ұлттық тағамдарды зерттеу сияқты пәндер оқытылады, деп хабарлайды Устинка LIVE тілшісі.
Оқыту екі форматта өтеді. Теориялық сабақтар колледжде ұйымдастырылса, ал практикалық бөлім өңірдің жетекші мейрамханаларында өтеді. Курс соңында қатысушылар тестілеуден өтіп, сертификат ала алады.
Қалалар мен аудандардың әкімдіктері курстан өтуді қалайтын кәсіпкерлердің тізімін қалыптастыру жұмыстарын бастады. Қатысуға өтінім беру үшін қалалық немесе аудандық әкімдіктерге жүгіну қажет, - деп хабарлайды Өскемен қаласының ішкі саясат бөлімі.
Оқу ақысы 25 000 теңгені құрайды. Төлем шарт жасалғаннан кейін банк бөлімшелері немесе мобильді банк қосымшалары арқылы жүргізілуі мүмкін.