Қазақстан Қазақстанда 114 мыңнан астам қыз бала папиллома вирусына қарсы екпе алды
Қазақстанда 2024 жылы онкологиялық аурулармен күрес жөніндегі 2023-2025 жылдарға арналған кешенді жоспарға сәйкес қыз балаларға адам папиллома вирусына қарсы екпе енгізілді
ҚР ДСМ Санитариялық-эпидемиологиялық бақылау комитетінің ақпаратын бойынша, елімізде 114 мыңнан астам қыз бала папиллома вирусына қарсы екпе алды, деп хабарлайды Устинка LIVE тілшісі.
2024 жылдың қыркүйегінен бастап 11 жастағы қыздарға АПВ вакцинациясы, сондай-ақ 12-13 жас аралығындағы қыздарға толықтыра иммундау жүргізілуде. Бүгінгі күні 114 мыңнан астам қыз бала егілді, оның ішінде 11 жастағы – 64 мыңнан астам, 12-13 жастағы – 50 мыңнан астам. Екпе алғандардың арасында иммундаудан кейінгі қолайсыз көріністер тіркелмеген, - деді ҚР ДСМ Санитариялық-эпидемиологиялық бақылау комитетінің төрағасы Сархат Бейсенова.