ШҚО-да ауа райының қолайсыздығынан бірнеше тасжол жабылды

"Облшығысжол" ЖСШ, 22 қаңтарсағат 09:00-ден бастап қарлы боран мен жолдың дұрыс көрінбеуіне байланысты облыстық маңызы бар Шемонаиха-Секисовка тасжолының 0-56км шақырымында көлік қозғалысы жабылады, деп хабарлайды Устинка LIVE тілшісі.

Шектеу көліктің барлық түріне енгізілген.

Сондай-ақ облыстық жолдардың келесі учаскелері жабылды:

• Республикалық маңызы бар "Алматы – Өскемен – Шемонаиха – Ресей федерациясының шекарасы"1013-1048 шақырымы, (Абай облысы мен Ұлан ауданына дейін).

Жергілікті маңызы бар жолдардың учаскелері:

• "Таврия-Каменка-Тройницкое"тас жолының 33-43 шақырымы (Каменка ауылынан Тройницкое ауылына дейін);
• "Алматы-Өскемен"тасжолынан Борсақ учаскесіне бұрылысы (0-13 км);
• "Ұлан-Бозанбай" тасжолының 5-32 шақырымы (Ұлан ауылынан - Бозанбай ауылына дейін)

Сонымен қатар, "Алматы-Өскемен-Шемонаиха-РФ шекарасы"республикалық маңызы бар автомобиль жолының 1125-1191 шақырымы, Предгорное ауылы - Шемонаиха учаскесінде тіркемелері бар жүк көліктері мен рұқсат етілген 3,5 тонна жартылай тіркемелері бар жүк көліктерінің қозғалысына шектеу қойылды.