ШҚО-да инфрақұрылымды дамытуға 41 млрд теңгеден астам қаржы қарастырылған

Биыл 16,8 млрд теңгеге сумен жабдықтау және су бұру жөніндегі 30 жоба аяқталады, деп хабарлайды Устинка LIVЕ тілшісі.

Жыл қорытындысы бойынша 30 жобаның ішінен 13 жоба пайдалануға беріледі:

• 3,3 мың адамға арналған АЕМ-де сумен жабдықтау құрылысының 6 жобасы;
• 0,1 мың адамды сумен қосымша қамтумен қаладағы 2 қайта құру жобасы;
• АЕМ-де сумен жабдықтауды реконструкциялаудың 3 жобасы;
• 2 су бұру жобасы.

Қазіргі уақытта объектілердег жұмыстар аяқталды, 3 жоба бойынша пайдалануға қабылдау актілері бар, 10 жоба бойынша актілер қол қою сатысында, - деп мәлімдеді ШҚО энергетика және тұрғын үй-коммуналдық шаруашылық басқармасы. - Жыл қорытындысы бойынша облыс халқының 99,4%-ы таза сумен қамтамасыз етіледі. Оның ішінде қала халқы – 99,9%, ауыл халқы - 98,4%. 111,6 км сумен жабдықтау желілері және 14,5 км су бұру желілері салынады немесе қайта жөндеуден өтеді.